Thursday, May 10, 2007

هديه لأمي بمناسبه عيد الام و لكن!



كنت اليوم امشي بالشارع و قابلت هذه اللوحه .. عجيبه كيف العالم مهتمين بعيد الام !!
فكرت اني اشتري لأمي هديه ... و فكرت ايش اشتري لها و كيف اوصل لها الهديه و هنا المشكله !!
ما اقدر اشتري لها مجوهرات لانه قانون باركنسون تم اثباته في حسابي هذا الشهر و اذا ارسلتها لها الحين في احتمال انها توصل على عيد الام السنه الجايه الله يخلي خدمات البريد في البلد !!
عموما كل عام و انتي بخير للماما مقدما!!

تحياتي لكل الامهات

Saudi Espresso

ملاحظه: الغريب في الموضوع اني اكتشفت انه فيه اختلاف كبير في تاريخ الاحتفال بعيد الام بين دول العالم
at

2 comments:

  1. m_bet0hmMay 10, 2007 at 11:25 PM

    لية عيد الام يختلف ؟؟
    هو مو عيد ؟؟

    هذا دليل على ان اعيادهم خرابيط :(

    الله يخلي اعيادنا الفطر والاضحى يارب ،،،

    ^___^

    ReplyDelete
  2. SulaimanMay 13, 2007 at 12:17 PM

    m_bet0hm,

    حياك الله في مدونتي ...
    سبب اختلاف عيد الام بحد ذاته ما عندي علم عنه ..

    و لكن اسمحيلي ما عجبني تعبير اعيادهم خرابيط ...
    المفروض اننا نتعلم نحترم عادات الشعوب اذا كنا نتوقع منهم يحترمون عاداتنا بعد ...
    و الا ايش راح تكون رده فعلك اذا جاء واحد هولندي و قال الحج عندنا يصير فيه زحمه و سرقات و ناس تموت عشان كذا هو خربوطه (استغفر الله )
    حاجه ماهي بحلوه ...
    ممكن انه من الصعب فهم بعض العادات اذا ما كنت جاي من نفس المجتمع لكن المفروض انه نتعلم نتفهم و نحترمها عشان الناس تقدرنا و تحترمنا...

    فيه فرق بين الاعياد الاجتماعيه و الاعياد الدينيه ..
    الاعياد الدينيه الفطر و الاضحى هي جزئ من الدين و لها مكانتها الخاصه ...
    لكن الاعياد الاجتماعيه .. من العيد الوطني وعيد الام و الاب خاضعه للتغيير بتغير المجتمع اللي يحتفل به ...
    يعني العيد الوطني لاغلب الدول هو راح يكون في يوم توحيدها او استقلالها ،،،
    و عشان كذا هو غير من دوله لدوله ثانيه ...
    اما اعياد الاب و الام فتختلف لسبب ما اعرفه في الوقت الحالي بس اتوقع له دخل في عادات الشعوب ...


    سلام

    ReplyDelete